اصدقائي انا رح اقترح موضوع غريب عليكن ورح تقولو مو وقتو هلأ
نظرا لعدم لشح المشاركات وقلة التفاعل مع قسم الشعر الشعبي
بس مع ذلك حبيت اطرح الموضوع لعّل و عسى يصير في تفاعل
وحتى يلي ماعندو موهبة ممكن يحاول و اذا حاول اكيد رح يطلع معو
شي ما كان متوقعو
واذا ماصار تفاعل مومشكلة بيبقى الموضوع شغال لحتى ربنا ييسرا ههههه
الموضوع هوة تحدي ب العتابا
بس قبلما فوت بالموضوع
العتابا متلمابتعرفو 3 اشطر وكل شطر بينتهي بنفس الكلمة بس بمعنى مختلف عن الشطرين الباقيات
وممكن التشكيل يختلف بكل قافية و يلي بيحاول يجرب فا مارح يلاقي كتير صعوبة
لأن اللغة العربية بحر واسع مابينضب من المعاني ولكل كلمة عربية ممكن نلاقي في عدد هائل من المعاني
واذا شكلنا الكلمة وغيرنا حركة فيا بينقلب معناها كلو
مثال على ذلك جَمَل اذا ضمينا الجيم بيصير جُمَل يعني اختلف المعنى بس ضلت حروف الكلمة وحدة
ويلي تغير هوة المعنى
الموضوع هوة العضو يلي بيشارك بيكتب شطرين عتابا
والعضو يلي بعدو لازم يكملا بشطر تالت ويقفلا ومعروفة القفلة بسوريا ( الف باء ) و يجوز ( ياء هاء)
انا رح اطرح الموضوع ويلي بدو يتحدا ينزل وكمان يلي حابب يتفاعل ويجرب ويحاول مابيخسر شي
الموضوع مسلّي وممتع وبيقوّي الحاسة الشعرية عند الواحد
رح بلش انا ويلي بعدي بيكمل بيت العتابا بشطر تالت وقفلة
و بيطرح شطرين هوة ويلي بعدو بيكمل وهلمّا جّرا
رح ابدأ ويلي بعدي بيكمل
وحق تشاد ولّي حد تشاد .. مالي
غيرك ولف يا بعد الروح .. مالي
موضوع: تحدي العتابا 