hanou22
![hanou22](https://2img.net/u/1717/50/42/46/avatars/9-8.jpg)
الدولة : ![الجزائر الجزائر](https://i.servimg.com/u/f84/14/04/99/05/610.gif) عدد المساهمات : 2 نقاط : 6 السٌّمعَة : 0 تاريخ التسجيل : 15/08/2013 العمر : 28
![طريقة عمل احلى بيتزا Empty](https://2img.net/i/empty.gif) | موضوع: طريقة عمل احلى بيتزا الخميس سبتمبر 05, 2013 3:47 pm | |
| وقت التحضير: 30 دقيقة وقت الطهي: 30 دقيقة المقادير:
2 كيلو دقيق
2 بيضة
خميرة بيرة وافضلها لانها مضمونة اكتر من الفورية
شوية ملح صغيرين للعجينة
شوية زعتر ملعقة صغيرة
كوباية لبن رايب او لبن الموجود
شوية زيت لعجن العجينة فى النهاية تقريبا نصف كوباية
بتدى طراوة حلوة قوى للعجين وسهولة فى التحكم فى العجينة
التحضير: معلش مصورتش مقادير العجينة بس هى سهلة
نعجن العجين كويس لحد ما نلاقى العجينة مش بتلزق فى الايد
وقبل ما ننهى العجن نضيف الزيت ونعجن كويس
ودى العجينة بعد العجن وبعد ما خمرت
وقبل ما نبدأ نشتغل نجهز الصلصة
ومقاديرها
تقريبا ربع كيلو طماطم وتوم مهروس
نحمر التوم فى شوية زيت ونكون ضربين الطماطم فى الخلاط
ونحطها ع التوم ونسيبها تتسبك كويس قوى لحد ما تنشف
من ميتها كويس
ومننساش الملح والفلفل
ودى مقادير حشو البيتزا
لحمة مفرومة معصجة
طبعا تعصجى اللحمة المفرومة وتبشرى واحدة طماطم كبيرة
وتحطيها ع العصاج وتظبطى الملح والفلفل وتسيبيها لما تنشف كويس
شرائح فلفل رومى
شرائح طماطم وترشى عليها رشة ملح وتحطيها فى مصفى
تصفى ميتها ودا ضرورى علشان متعجنش البيتزا
زيتون اخضر واسود
جبنة رومى مبشوة او شرائح
نجهز الصوانى اللى هنشتغل فيها
ندهنها زيت او سمنة كويس
ناخد قطعة من العجين تكون مناسبة لحجم الصينية
ونفردها فيها
وندهن وشها صلصة من اللى جهزناها
ونكمل باقى الحشو
نحط اللحمة المفرومة ونفردها ع العجين
ونحط باقى الحشو
فلفل اخضر وشرائح الطماطم والجبنة الرومى
والزيتون
ونسيبها فى جمب لحد ما نخلص باقى الصوانى
فى بيتزا حطيت فى اطرافها جبنة رومى زى كدة وفى حطيت لحمة مفرومة
وقفلت عليها العجينة
وبعدين حطيت الصلصة
وكملت باقى الحشو
وكنت باعمل تبادل بين الحشوات
وعملت كمان مينى بيتزا
نفرد العجينة على مكان مستى رخامة مثلا
ونجيب كوباية استلس ونقطع بيها العجين
زى كدةوندهن صلصة
ونكمل نفس خطوات الحشو
اهم خطوة يا فتوكات علشان البيتزا تطلع ممتااااااااازة
انك بعد ما تخلصى حشو تسيبيها
لما تخمر تانى وعليها الحشو
دى بقى لما تدخليها الفرن تلاقيها بقت منفوشة زى الكيكة بالظبط
لانها بتكون خمرت كويس جدا
ودى شكل الصوانى قبل ما تدخل الفرن
الطبخ: ندخلها الفرن تستوى
بالنسبة للتسوية
سخنى الفرن كويس جدا
طبعا كل فرن بيختلف عن التانى
حطى الصوانى فى الشبكة اللى فى النصف
ولما تلاقيها احمرت من تحت وتقدرى تعملى اختبار
بأنك ترفعى جمب البيتزا تشوفيها احمرت من تحت ولا لاء
ولو لاقيتيها احمرت شغلى الشوايه من فوق لما وشها يحمر
لو ما حمرتش من تحت سيبيها شوية تانى
لحد ما تحمر وتستوى كويس
ودى بعد ما خرجت من الفرن
شايفين كانت منفوشة وهشة
وفى منتهى الجمال بجد | |
|
زهرة اللوتس المراقب
![المراقب المراقب](https://2img.net/i/itest/ranks/stars/stars15.gif)
![زهرة اللوتس](https://2img.net/u/1717/50/42/46/avatars/7-73.jpg)
الدولة : ![سورية سورية](https://i.servimg.com/u/f84/14/04/99/05/124.gif) عدد المساهمات : 59 نقاط : 123 السٌّمعَة : 0 تاريخ التسجيل : 28/07/2013 العمر : 28
![طريقة عمل احلى بيتزا Empty](https://2img.net/i/empty.gif) | موضوع: شكرا الك الخميس سبتمبر 05, 2013 6:55 pm | |
| | |
|